web statistics
من اللي قالكـ هالشي ؟ طيب , وشلون جبت هالمعلومه هذي ؟ - منتديات بوابة مصادر التعلم


العودة   منتديات بوابة مصادر التعلم > منتديات بواية مصادر التعلم > المنتدى العام والثقافي
التسجيل التعليمـــات التقويم اجعل كافة الأقسام مقروءة

المنتدى العام والثقافي مواضيع منوعة واخبار

إضافة رد
 
أدوات الموضوع انواع عرض الموضوع
قديم 12-20-2009, 08:30 AM   #1
غربة
خبيرة مصادر تعلم
 
الصورة الرمزية غربة
 
تاريخ التسجيل: Jan 2009
المشاركات: 520
من اللي قالكـ هالشي ؟ طيب , وشلون جبت هالمعلومه هذي ؟

من اللي قالكـ هالشي ؟

- هاهـ , هم قالوا لي ..

طيب , وشلون جبت هالمعلومه هذي ؟

- وشلون ؟ ايه مدري بس يعني هم قالوا لي ..

على اي اساس استندت ؟

- على هذاكـ .. ياخي هم قالوا لي ..



ياكثر مانسمع هالجمله .. او مثيلاتها ..

بسم الله , السلام عليكم ورحمة الله وبركاته .. <-- بدري !؟

ياجماعه قبل كم يوم قريت شي خلاني اعيد التفكير مراراً وتكراراً في عدة مسائل ..

قريت معلومات الكل كان متيقن انها صحيحه .. وهي والله مادلت الصح ..

بعد ماقريتها .. جلست افكر .. غير هالمعلومات هذي ..

كم معلومه مغلوطه يتداولها الناس على انها معلومات صحيحه ؟

كثير .. كثير ..

جزمت .. اني احط حد لهالخرابيط ..

بس قبل كل شي .. خلونا نستعرض على السريع بعض من هالمعلومات المغلوطه ../







( سم العقرب .. طريق القبر .. )

يعتقد الكثيرين ان سم العقرب مايردهـ عن طريق القبر شي ..

يعني ان سم العقرب " مميت " .. وهذا اعتقاد خاطئ ..

حيث ان اقوى سم العقارب مايقتل ! ولكن قد يتسبب بموت ( الطفل الرضيع , كبير السن , مريض القلب ) إذا لم يتم علاجه ..

فإذا لدغتكـ عقرب لاسمح الله .. اعرف انكـ ماراح تموت بحول الله ..

روّق .. وهد اعصابكـ .. وانحر اقرب مركز صحي او مستشفى ..

- وعلى فكرهـ .. ترى العقرب كائن غبي , اي شي قدامه يحاول يلدغه ..

يعني لو يصدم بـ جدار .. حاول انه يلدغ الجدار .. جد والله ..

شي غبي ..










( الأسد , ملكـ الغابه ) ..

لاعبين علينا ؟

المشكله حتى في المدارس يكررون هالكلام ..! الأسد ملكـ الغابه .. ملكـ الغابه ..

والله يا اني ضحكت لين تمزعت من القهر .. طول هالوقت لاعبين علينا !

الصدمه :

الأسد ماعمرهـ وطوط عند طريف الغابه !

ماعمرهـ طب شي اسمه غابه !!

الأسد يعيش في ( مناطق الحشائش , السهول ) .. مايسكن ابداً في الغابات الأستوائيه ..

الله لايوفق من كتب قصة الأسد هذاكـ المريض .. يوم يعالجه الثعلب ويصير صديقه ولا يآكله ..

طيب تدرون وش الصدمه الثانيه !

ان الاسد مايآكل الثعالب ! هههههههههه

لاعبين علينا قسم بالله ..







( الأم تخاطب الأب وهو يشوّت القطوهـ في الحوش نآحر بها باب البيت : خلها , خلها يابوسليمان في البيت , تآكل الفيران ) ..

, والله ملعوب عليتس ..

حتى كلنا ملعوب علينا في هالمناهج ..!

الصدمه الأخرى :

القط لا يأكل الفئران !

القط يلاحق الفار من باب التسليه واللعب بس ..

- سُجلت حالات أكل من قبل القطط للفئران .. لقوا القط اللي أكل الفار ميت من الجوع وبطنه وآصلن ظهرهـ ..

نفس الوضع .. الآدمي اذا اضطر وذبحه الجوع .. يآكل الجيفه ..

يصير الآدمي أكآل الجيف ؟





( الحشرات , مالها دم ) ..

برضو خرابيط ..

الحشرات مثلها مثل غيرها في مملكة الحيوان ..

لها دم .. لكنه يختلف لونه ولزوجته عن باقي الحيوانات ..








( إن كان حبيبكـ ثور , إلبس لوهـ أحمر )

الصدمه الـ 78 :

الثور , مثله مثل باقي الحيوانات .. يشوف اللون الأحمر رمادي ..

انتحر ؟

حتى الأسبانيين .. مسوين فيها يعني اننا نعرف للثيران .. !

يمسكـ له طربال أحمر .. ويمرمرهـ على خشة الثور ..

مسوي يعني انا جالس الحين اثير غريزته الحمراويه ..

مخادعين بعينكم ..

والأدهى من ذلك اخو اللي كتب قصة الاسد في مناهجنا ,

لأن عندي احساس انه هو اللي كتب قصة الثور اللي مايبي اللون الأحمر ..






( افصل البطاريه عن اللاب اذا بتشتغل على الكهرب ) ..

ياكثر ما اسويها ..

وياكثر مايضيق صدري اذا نسيتها مركبه في اللاب توب وانا شابكـ السلكـ في الكهرب ..

كثير منا يسوي هالحركه .. ليش ؟ يقولكـ علشان يطول عمر البطاريه وماتخرب ..

فيه نوعين من البطاريات الشائعه ../

- بطاريه نيكل :

هذي لازم تشحنها أول مرهـ 8 ساعات .. وماتشحنها مرهـ ثانيه لين تخلص البطاريه وتصير فارغه مرهـ ..

وبعدين وجودتها تتأثر اذا طولت مشبوكه في شاحن الكهرب ..

- بطاريه ليثيوم :

هذا النوع من البطاريات .. له عمر افتراضي .. من سنتين إلى ثلاث سنين ..

وهالنوع هذا .. خربان خربان بعد عمرها الافتراضي حتى لو ما استخدمتها ابد !

اشحنها على كيفكـ .. اشبكها وانت تشتغل .. ان بغيت وصلها بعداد الكهرب ..

هالنوع هذا ريحنا من سلبيات بطاريات الـ نيكل .. بس ان عمرهـ قصير ..

طيب .. تدرون ان اغلب البطاريات اللي نستخدمها في ( اللاب توب , الجوال , الكفّي , ... ) وغيرها .. تستخدم النوع الثاني من البطاريات .. ( بطاريات ليثوم ) ..

ياحسافة ضيقة الصدر بس ..





( كهرب خط 220 , يصرف �أكثر من خط 110 )

امر شائع .. خاصه في الفواتير ..

يقولكـ بالصيف تكثر الفاتورهـ علشان المكيفات 220 ..

طيب وبالشتاء ؟ موب فيه دفايات كهرب 220 ؟

- مافيه فرق من ناحية الأستهلاكـ بين خط 220 و خط 110 !

الفرق الوحيد فقط هو في ( شدة التيار المار بالسلكـ ) ..

وهي اللي تتسبب في سخونة و�حتراق بعض الاسلاكـ .. وهي اصلاً لها تناسب عكسي مع فرق الجهد ..

يعني , على سبيل المثال ..

لو عندنا دفاية 2000 وات .. وتعمل على 110 فولت .. بيمر في السلكـ ( 18 أمبير ) .. وهو سبب الحرارهـ والاحتراق دايم ..

ولو شبكناها بـ 220 .. بيمر في السلكـ ( 9 أمبير ) .. فرق الضعف !

يعني .. الأجهزهـ اللي تشتغل على 220 هي أكثر اماناً من اللي تشتغل على 110 .. ومافيه فرق في قدر الاستهلاك ..






( أب مستلقي على السرير يداعب طفله الصغير الذي اخذ الريموت ووضعه في فمه بغيتَ أكله : احا احا لا يابابا كخا , بعدين تموت ! )

غير هالرجلين العزيزين .. كلنا نعتقد ان الريموت يسبب ضرر للمرأهـ الحامل .. وللأطفال ..

- ريموت التلفزيون وريموت أغلب الاجهزهـ .. تعمل ( بالاشعه تحت الحمراء ) وهي آمنه جداً ..

وتقع في طرف الطيف المرئي بجانب اللون الأحمر ..

* اي جسم حار تنبعث منه الأشعه تحت الحمراء في مرحله من مراحل التسخين ..

* أجسام الكائنات الحيّه اللي دمها حار .. تنبعث منها الاشعه تحت الحمراء بإستمرار ..

* كاميرات الفيديو تنبعث منها الأشعه تحت الحمراء وخاصة في التصوير الليلي .. ( ليش ماقال وخري البطنه الكبيرهـ ؟ .. طيب ليش مستانس بخشة ولدهـ وهو خانق القطوهـ وجالس يصورهـ بكاميرة الفيديو , رغم انه تبعث اشعه حمراء ) .. ليش بس الريموت المسكين هو اللي ينكرش ؟ علشان الريموت يتيم وماله احد ؟

* بعض الثعابين , تستخدم نفس التقنيّه ..

معليش يالريموت .. حقكـ علي ..





( فأرة ليزر ) ..

الكل يعتقد ان الـ فأرة الكمبيوتر .. تعمل بأشعة الليزر ..

والله ماوراها ليزر ولا هم يحزنون ..

تراها تعمل ( بالضوء العادي ) ..

يعني مثل لمبة التريكـ ..

طيب ليش الي اخترعها سماها ( ليزر ) .. !

لانه كان يشتغل سواق عند راعين القصص أخوان (الأسد ملكـ الغابه , الثور يكرهـ اللون الأحمر ) , قبل لايرجع لـ ديرته ويخترعها .. ..










سولفت كثير ؟

مدري احس اني اخذت راحتي بالحيل ..

بس اختم بشي صراحه مهم ..

إن العلم , والثقافه .. ماتطرق الابواب ..

من الواجب على كل شخص .. تهمه الثقافه العامه او حتى الثقافه في أي مجال يهواهـ .. البحث عنها دون ملل أول كلل ..

يرضيكم اللي سواهـ فينا ابو القصص ؟ واللي كتب المناهج ؟

خلونا نحط حد لمثل هالإعتقادات الخاطئه .. عن طريق البحث والتأكد عن أي معلومه توصلنا .. حتى ولو طغى عليها الدهر ..

وهالشي يكون تركيزهـ اكبر للمعلومات اللي توصل الصغار ( ابنكـ ’ اخوكـ ’ اختكـ , والمحيط اللي انت عايش فيه ويقع تحت مسئوليتكـ ) .. لأن فيه في هالزمن كثير من شاكلة ابو قصه وأخوهـ ..



لا , بس باقي شي مهم ..

من باب .. الشي بالشي .. يُذكر ..






( الهديه , لا تُهدى ولا تُباع ) ..

الطامه الكبرى , كلام شائع بين الناس بشكل كبير بأن هناكـ حديث للرسول بأن الهديّه لا تُهدى ولا تُباع !

مافيه اي صحه للحديث هذا ..

بل انه من خلال بحثي .. وجدت حديث مخالف للحديث هذا ..

جاء فيما معنى الحديث .. ان الرسول صلى الله عليه وآله وسلم اهداهـ شخص هديه وكانت عبارهـ عن بُردهـ , فكانت البُردهـ المهداهـ صغيرهـ على الرسول , فقام بإهدائها إلى الإمام علي بن أبي طالب عليه السلام ..

الهديه هي ملكـ للشخص المُهدى , يسوي فيها اللي يبي .. يهديها يبيعها .. لكـ كامل التصرف فيها مثلها مثل باقي أملاكه ..



- احاديث كثيرهـ " موضوعه " , شائعه عند الناس ..

تحتاج وقفه وتدبر منا , هذا ديننا .. ومن الواجب علينا حفظه كما جاء ..

فيه موقع اسمه ( الدرر السنيّه ) , للي يشكل عليه حديث .. وله رغبه في التأكد منه .. يدخل هالموقع ويتأكد من صحة الحديث .. بمجرد البحث عن كلمه فيه ..



اتمنى اني ما اكون طولت بس ..

آخذ راحتي بعد ؟ ..



سبحان الله وبحمدهـ .. سبحان الله العظيم ..

استغفر الله واتوب إليه .. ولا إله إلا الله ..



التعديل الأخير تم بواسطة غربة ; 12-20-2009 الساعة 08:39 AM
غربة غير متصل   رد مع اقتباس
قديم 12-20-2009, 02:39 PM   #2
Zainab
تربوي جديد
 
تاريخ التسجيل: Dec 2009
المشاركات: 6

شكراً جزيلاً لك على هذه المعلومات الرائعة

الى الأمام دوماً

Zainab غير متصل   رد مع اقتباس
قديم 03-02-2010, 09:33 PM   #3
غربة
خبيرة مصادر تعلم
 
الصورة الرمزية غربة
 
تاريخ التسجيل: Jan 2009
المشاركات: 520

تسلمين اختي زينب على مرورك الطيب

غربة غير متصل   رد مع اقتباس
قديم 03-03-2010, 11:08 AM   #4
ali
المشرف العام
 
تاريخ التسجيل: Feb 2005
المشاركات: 41,818

بار ك الله فيك مشاركة مميزة
ومعلومات قيمة وجديدة
صدق ملعوب علينا
ملك الغابة
وسم العقرب

ali غير متصل   رد مع اقتباس
إضافة رد

مواقع النشر (المفضلة)

الكلمات الدلالية (Tags)
اللي, هالمعلومه, هالشي, وشلون, قالكـ

أدوات الموضوع
انواع عرض الموضوع


المواضيع المتشابهه
الموضوع كاتب الموضوع المنتدى مشاركات آخر مشاركة
حاول ترسلها لاكبر عدد ممكن اللي عنده عيال والا معارف عندهم اختبار قدرات اللي بتبدأ ال Nor9 منتدى تجمع أمناء مصادر التعلم 0 12-10-2014 12:38 AM
طلب من الأخ ali المحترم adnanadnan منتدى البرامج وشروحاتها 2 01-08-2010 04:50 AM
متأكد من مسح كل اللي بجواالك روح التفائل المنتدى العام والثقافي 4 01-02-2010 10:29 PM
° اللي سواها مجنون Abu Sadeem المنتدى العام والثقافي 2 08-20-2009 08:11 PM
وشلون طريقه حفظ العمل (مخاوي الليل) منتدى البرامج وشروحاتها 4 04-03-2009 07:39 PM


Rss Rss 2.0 Html Xml Sitemap sitemap
منتديات مصادر التعلم المتخصصة,منتديات مصادر التعلم منتديات مصادر التعلم - الأرشيف بيان الخصوصية